Éilerenger Strëpp

D’Éilerenger Strëpp gouf no e puer Joer Wanterschlof, am Fréijoer 2019 nees nei opliewe gelooss. Hei handelt et sech em e klenge Grupp vu Musikannt(inn)en, déi zum groussen Deel aus deem groussen Orchester vun der Éilerenger Musik, hierkommen.

Als Strëpp leie mer an der Besetzung tëschent enger normaler Musik an engem Orchester. Tëschent 15 an 18 Leit staark, kommen hei esouwuel Holz- ewéi Blechbléiser an den Asaz, wéi och ee Perkussionist. Zanter 2024 gëtt d’Orchester och geleeëntlech vum Jos Pletschet gesanglech ënnerstëtzt. Gären kennt Dir d’Éilerenger Strëpp fir Fester oder aner Manifestatioune buchen. De Repertoire soll déi Atmosphär erëmspigelen déi eise Public mat op Concerte bréngt, nämlech eng liicht-labber stëmmungsvoll Atmosphär. Prouwenunzuel läit bei ongeféier 10 d’Joer; derniewent nach e Stage an 2-4 Optrëtter.

Eisen Ofschloss vun der Saison hu mer di läscht 2 Joer um beschtbekannten Hamefest vun der Garnecher Musik gemaach. Mam Lëtzebuerger Owend hu mä am Mäerz am Kulturschapp eng nei Veranstaltung an d’Liewe geruff, déi och den Ufank vun enger laanger Traditioun soll ginn. Gären kennt Dir d’Éilerenger Strëpp fir Fester oder aner Manifestatioune buchen.

Di musikalesch Leedung vum Orchester läit zanter 2023 an den Hänn vum John Schneider.